Enkomputiligis Don HARLOW
Venis, venis la hirundo el la vojo migra, ĝia brusto estas blanka kaj la dorso nigra. Ĝi alportas la serenon, la veteron varman, ĝi alportas la printempon, la sezonon ĉarman. Mastro, figon kaj fromaĝon donu al hirundo, donu al ĝi vinon bonan el la kela fundo. La hirundo ja rifuzos nek la mielsukon, nek la fabfarunan panon, nek la dolĉan kukon. Ĉu ni do foriri devas, aŭ ni ion jam ricevas? Se vi donos, ni foriros, kaj se ne, ni restos, aŭ ni portos for la pordon kune kun fenestro, aŭ la edzineton, kiu sidas post la pordo; eta estas ŝi, facila estos la forporto. Sed la donu, se vi donas, ion grandan, kio bonas. Hej malfermu, tuj malfermu por hirundoj petaj, ja ne estas ni olduloj, sed infanoj etaj. |