Enkomputiligis Don HARLOW

Fenestro al strato

de Tin UJEVIĈ

elkroatigis Boĵidar VANĈIK

originale aperis en la nica literatura revuo, 2/6 p. 223-224


Kio ja vivo ol fenestr' alvoje,
kie malpurojn balaist' kunpuŝas,
kie koĉer' pipŝtopas iufoje,
kie velkantaj verandfloroj kuŝas?

La strat' -- ĝi estas la urba pejzaĝo,
kie mortĉar' veturas kaj karb' kruda,
kie ŝutiĝas fojno kaj pajlaĉo
fulga, terura, malplena kaj nuda.

Venos la ĉaro por ĉiu estulo --
kaj se l' okulojn apertos la bebo
por esti nombro, nom' sur ladtabulo,
kiel la avo nomiĝos la nepo.

Tie malofte estingistoj iras,
plioftas drinkular' kaj mortanĝeloj.
Gardist' senvorte la lipharojn ŝiras,
pro sonorado ŝtopas mi orelojn.

Tra l' hem' ankoraŭ nur la katoj kuras
kaj flaras musojn kaj manĝaĵorestojn;
kaj nokte nigraj akvoj plormurmuras
kaj timtremigas eluzitajn vertojn.