Enkomputiligis Don HARLOW

Rimletero XXXI

de William AULD al Marjorie BOULTON

sendita 19.XI.1953

aperis en la nica literatura revuo, 3/2 p. 78

Klaketu ĉi tie por Latin-3 literaro Klaketu ĉi tie por versio unikoda
Tuberkulozo de la Ter' --
jen la homarnaturo trista:
ni estas nur malsano hista
de l' organismo de l' Mister',

ĝis nun ne rimarkebla per
la sankontrolo kuracista.
Tuberkulozo de la Ter' --
jen la homarnaturo trista.

Projektas ie, kun esper',
giganta Io, kunekzista...
dum kreskas, lanta sed persista,
tuber' kolosa en l' afer' :

tuberkulozo de la Ter'.