Enkomputiligis Don HARLOW

Somero

de Paul VERLAINE

elfrancigis Gaston WARINGHIEN

aperis en la nica literatura revuo, 3/2 p. 49


Somero L' esper' briletas, kiel pajlero en stalbudo.
Kial vi timas vespon en ĝia flug' ebria?
Vidu: sunpolvo ĉiam vibras el truo ia.
Kial ne dormi do, kun surtable la kubuto?

Povra animo pala, l' akvon de l' frosta puto
Ja trinku; poste dormu. Nu, vidu, mi plu restos
Kaj mi dorlotos revojn viajn, dum vi siestos,
Kaj vi zumkantos, kiel infan' en lula ludo.

Sonas tagmez'. Mi petas, foriru, sinjorin';
Li dormas; vere, paŝoj virinaj, kredu min,
Resonas en la cerbo de povra mizerulo.

Sonas tagmezo. Mi ĵus akvigis en la ĉambro.
Dormu ! L' esper' briletas, ŝtonet' en fos-angulo.
Aĥ! kiam refloriĝos la rozoj de Septembro!