Enkomputiligis Don HARLOW
|
|
Enkomputiligis Don HARLOW |
Du belulinetoj babilas:
-- Mi ĉiam hontas senvestiĝi antaŭ kuracistoj...
-- Ĉu vere? Kial do, karinjo? Finfine, ili estas viroj kiel la aliaj!
- Vi scias la novaĵon? Oni klaĉas, ke Antono laboras!
-- Ha! tiu ulo! Kion do li ne farus por mono!
La drinkejestro al sia edzino:
- Mi supreniras siesti. Vidu, kara, mi absolute ne kapablas restadi nenion farante.
Olivo rulfaras cigaredon, je la miro de Mario:
-- Nu, Olivo, ĉu vi estas sengroŝa?
- - Ho ne, sed mia kuracisto konsilis al mi fizikan ekzerciĝon.
Veturante de Nico al Marsejlo, Dominiko ekvidas avizon
"Atentu la vojon: laboroj!" -- kaj tuj li turnas la aŭton reen.
Turisto, en la Esterel-montoj, renkontas kampulon sidantan ĉe la vojrando.
-- Kion do produktas la lando?
-- He, respondas la kampulo, ne multon.
-- Tamen, tamen...
-- He, estas la kaŝtanoj.
-- Interese, sed ĉu ne estas malfacile ilin kolekti?
-- Ho ne! oni sternas grandajn tukojn sub la arboj, kaj, kiam blovas la vento, ĝi faligas la kaŝtanojn en la tukojn.
-- Sed, diras la turisto, se ne blovas vento?
-- Nu, diras la kampulo, tiam estas jaro kun malbona rikolto.
