Enkomputiligis Don HARLOW |
Mia amo libertempas, Kaj en brusto restas tru', Sed l' animo danc-printempas Blinde pri la viv-enu'. Mia amo libertempas Por sanig' de l' korovund'. Sed l' animo danc-printempas Sur dezerta vivogrund'. Estas la feliĉ' miraĝa: Malaperas je proksim'. Sed animo mia saĝa, Sen alir' al cel' miraĝa, Je distanc' ĉirkaŭas ĝin. Pro l' miraĝo, la angoro Kaj bedaŭroj ĉesis jam. Lasis tiel en la koro Pli da lok' por pli da am'. La solecon do mi trempas En la gaja mar', ĝis fund', Kaj l' animo danc-printempas Sur dezerta vivogrund'. Mia amo libertempas Por sanig' de l' korovund' . |