Enkomputiligis Don HARLOW |
Mi la knabinojn venkis en arda lukt', kaj ne sen gloro skermis en ambatal'. Nun pendu sur ĉi mur' la glavo kaj la milit-emerita liro, sur muro gardostara ĉe sinstra flank' de l' mara Venus. Tie ripozu la rompilo, torĉo, ark', minacaj en la sieĝo de pordoj spitaj. Ho vi, reĝin' de Cipro beata kaj de Memfis netuŝata de l' Traka neĝ', Diin', per sankta vipo pinĉu do unufoje Chloen arogan! |