Enkomputiligis Don HARLOW |
Vi kial min rigardas kun scivolo, kaj buŝon mian spertan kun naiv'? Ĝi scias ne nur pri la kis-soif', sed ankaŭ -- ironi' kaj amdoloro. Ho ne! plu ne liberas mia koro: al zorgoj firme ligis min la viv', la tagoj, noktoj pasas sen edif', anim' ŝlosita -- ne laŭ mia volo. Malgajon vian vi forigu ride, nin ambaŭ kiel povu ligi am': junec' jubilas ja en vi senbride. En rond' knabina dancu ĝuoplene kaj ekleviĝu alten ĝojoflam', en mia koro flagretanta pene. |