Enkomputiligis Don HARLOW

Dum florado de siringoj I

de Marie UNDER

elestonigis Hilda DRESEN

aperis en Nica Literatura Revuo, 3/6, p. 207


Petalojn blankajn jam padus' dissemas,
kaj de siringoj fluas bonodor':
nun ĉarme disvolviĝis ĉiu flor',
je arboj bluaj la ĝardeno plenas.

Min sentoj dum sendormaj noktoj premas:
fajrere ardas mia ruĝa kor' --
Ho, de siringoj fluas bonodor'!
Sopir' dolora en la koro tremas!

Sed ne ĉeestas vi -- pro kio do la bel'
de la violkoloraj floroj estas?
Pro kio luma nokt' per sia hel'

dorlote apud mia lito restas?
Turmentas min la belon sola vidi --
sed ne ĉeestas vi, por ĝin kun mi dividi.