Enkomputiligis Don HARLOW |
La korpoj en kares-pasi' frenezis. samritme sorĉo ia ligis nin -- dolĉaĵojn ravajn ĝuis ni sen fin'! Sobrige la aŭror' nin ekimpresis. Dolore, ke disiĝi jam necesis: knabin' mi via, via kunulin'. La rob' envia baldaŭ kaŝos min: sed dume amtremetoj ja ne ĉesis. Al morto kondamnita ŝajnas kor', ĉar viaj brakoj jam de mi deglitas, sin lip' de l' lip' volupta ŝiras for, funebro de l' disiĝo nin ekscitas. Mi kovras mian korpon pro hontemo, samkiel agis Eva en Edeno. |