Enkomputiligis Don HARLOW

Varmegaj sonetoj III

de Marie UNDER

elestonigis Hilda DRESEN

aperis en Nica Literatura Revuo, 3/6, p. 207


Dolĉecon multan ni duope ĝuis!
Vi benis kvazaŭ pluv' somera min:
pro fast-sekec' suferis mia sin'! --
freŝige, la karesoj ĝin influis.

Transranden la pasi-kalikoj fluis:
ekregis nin dezir': mi volas vin!
Ripozi nun sopiras ni sen fin',
ebrio-ardon la anim' deskuis.

Rigardoj niaj, en la amebri'
je fajro kaj ekstazfrenez' plenintaj,
flamadis avidege: pli kaj pli!

Nun ili estas kvazaŭ eksvenintaj.
En am-frenez' ŝparadon ni ne konis,
nun lace ni en trosatiĝo dronis.