Enkomputiligis Don HARLOW

Varmegaj sonetoj I

de Marie UNDER

elestonigis Hilda DRESEN

aperis en Nica Literatura Revuo, 3/6, p. 206


En bluzosilkon viaj fingroj glitis,
foriĝis broĉo ĝena de la kol',
aperis ŝultro blanka kvazaŭ flor',
ĉemiz' la bruston ŝvelan plu ne bridis:

rigardo fajre loga min invitis,
ke amoŝuldon sian pagu kor':
la puntoneĝ' de l' dorso glitis for --
nnn veston ĉiu membro ekevitis.

Pasi' ĝis piedfingroj min nudigis.
Ŝtelrigardeti io min instigis,
mi vidis stari vin en pozo mira,

min ensorbante per rigard' admira.
Pasioflam' en ni ekbrule ŝvelis:
mi inter brakoj viaj malaperis.