Enkomputiligis Don HARLOW |
Simile al plen-plena vinpokalo, levkoj-arom' abundas en ĝarden'. Disfluas bonodoroj nun sen ĝen': narkotas per dolĉaĵ' nin la floraro. Nebulo blankpieda nun sen baro arĝentajn vojojn faras por promen'. De l' insuleto vibras onda ĝem' tra la trembrilo de l' nebulvualo. Sol-sola mi. Sopiras mi sen lim': ja kaĝo ora ŝajnas por anim' ĝarden' ĉi tiu -- ho, alvenu nun! Min savu de l' somera troa belo! Akcepti pretas mi -- jam sur ĉielo lumigas rozkoloran lampon lun'. |