Enkomputiligis Don HARLOW

Motivoj

de John FRANCIS

aperis en Nica Literatura Revuo, 4/1, p. 22

Talpo boras, boras, boras;
blinde, pele fosesploras
riĉan grundon, kaj sengvide
pluvervante vermavide
koridorojn dume ellaboras.

Konscience hom' deĵoras
ĉe uzino, min', kaj gloras
penon, dum subtere koincide
talpo boras.

Tiom de aktiv' valoras;
porsalajre hom' fervoras;
talpo same, ĉar trepide
fortiremas ankaŭ li de
mortmalsato. Nur, ĉar ĝi teroras,
talpo boras.