Enkomputiligis Don HARLOW

Vivosablo

de John FRANCIS

aperis en Nica Literatura Revuo, 4/1, p. 23


Kuris tempo malbremsite,
nebremseble fluas glite;
glitas nuno, efemeras;
propran eston jam preteras
por impeti paŭzevite

en futuron: jen tielas
malkonstanta viv'. Ĥimeras
daŭro; ĉiam haltospite
kuris tempo.

Logis iam "ont" ekscite;
ligas jam pli "int". Medite
pensoj retras; ĉar superas
nun pase'; futur' malŝvelas.
Ĝi promesis; sed subite
kuris tempo!