Enkomputiligis Don HARLOW

Ankoraŭ unu alian!

aperis en Nica Literatura Revuo, 4/3, p. 120

Knabo demandas la patrinon: -- Kiel mi naskiĝis, panjo?

-- Nu, en rozo, certe.

Poste, li demandas, la patron: --- Kiel vi naskiĝis, paĉjo?

-- Kompreneble, en la brasikoj.

La knabo iras al la avo: -- Papaĉjo, kie vi naskiĝis?

-- Cikonio alportis min!

Tiam la knabo enfermas sin en sia ĉambro, prenas dikan kajeron kaj skribas: "Laŭ funda mia esploro, ŝajnus, ke ne ekzistis seksaj rilatoj en mia familio jam de tri generacioj."

(Feriaj taskoj). La patro: Kiom produktus 1 200 000 frankoj ŝparlokitaj je 2 procentoj dum unu jaro? La knabo: 2 procentoj, ĉu tio interesas vin, paĉjo?

Knabino, al la patrino ŝike vestita: Kien vi iras, panjo? -- Al la meso, karinjo. -- Kion oni faras en la meso? -- Oni genuas, oni preĝas, oni donas monon. -- Nu, tiam, kial vi iras?

Unu psikiatro testas knabinon.

-- Nu, li diras, ĉu vi estas knabo aŭ knabino?

-- Knabo, respondas la knabino.

-- Bonege! diras la jam ĝojekscita eksperto, frotante al si la manojn. Kaj kio vi fariĝos en la estonteco?

-- Mi fariĝos patro, diras la knabino.

-- Sed, kara mia, interrompas la patrino, vi povus pli bone respondi. Kial vi diras stultaĵojn al la doktoro?

-- Nu, diras la knabino, se li metas stultajn demandojn, mi ja devas respondi al li stulte, por ke li trovu min inteligenta.