Enkomputiligis Don HARLOW |
La plej bela kanzono pri amo ne venis al pres'. Ĝi restis nur rev' en Montmartro ĉe malriĉa student' de Pariz'. Ĝi estus lumiginta la landojn, printempon ĝi farus trofe'; al sia koro premus la mondo novan Musset. Li estus promeninta sur kajo kun iu pala kaj eta Lucile kaj verkus violojn kaj kisojn nun en nokt' de april'. La plej bela kanzono pri amo ne venis al pres': amastomben metita en Flandro kun malriĉa student' de Pariz'. |