Enkomputiligis Don HARLOW
|
|
Enkomputiligis Don HARLOW |
|
La marvirinoj ridis vidante miajn piedojn ili ridhenis, moke miajn piedojn ĝis mi vigle movetis la piedfingrojn tiam ili ankaŭ ruĝiĝis sed samtempe ilia ridado malmoderiĝis kaj mi hontemis Pudoro venkis mi kovris mian hontaĵon per naĝiloj kaŭĉukaj sed ne efikis la marvirinoj per stultaj rikanoj kaj kubutado montris ke mia klopodo ne sukcesis montris pri kio ili atentas per gvataj rigardoj ili por tiel diri kaŝe senŝuigis min kaj mi hontemis Mi forfuĝis de la mokado plorbabilante diablo prenu ĉi malpurulinaĉojn mi reiros al la miaj almenaŭ ili scias kio estas piedfingroj dum mi dankeme ascendis en la aeron puran ankoraŭ portante miajn piednaĝilojn virino time kriegis |
