Enkomputiligis Don HARLOW |
Min malvirigis timo ĉiam ĉea, kies premado longedaŭra, ruza, finfine rompis min. Dolor' obtuza l' animon igis peze malobea, kaj ligis la spiriton tristo trea. Mi estis iam vigle senkontuza --- ne plu, ne plu ... Jam min impuls' rifuza tremigas naŭze, se pensero krea aŭ belsopiro min hazarde logas kaj min momente regas plenumemo. Hodiaŭ la potenc' pasinta mokas, murditaj idealoj; mi min sentas Ŝimŝon, al kies lasta febla premo kolonoj de la temp' indiferentas ... |