Enkomputiligis Don HARLOW
|
|
Enkomputiligis Don HARLOW |
|
Mi vin, lernantoj, bedaŭras sen fin'! Abocolibro konsternas ja vin! Orajn garbarojn ne vidis okul', nek la foliojn de flava betul' ... Al la dezertoinfanoj kompren' mankas pri oraj betuloj kaj gren'. Fungojn imagi ne povas lernant' -- sekvas demandon tuj nova demand'. Estas alia l' aiŭtun' tie ĉi, malsimilas l' aŭtunmelodi'. Iĝis matura morusoberar', venas de l' montoj malsupren ŝafar'. Estas pakata la blanka koton', riĉas je ŝafoj aŭtuna sezon'. Sed mi ekvidas en mia sopir' sablan marbordon sub venta ekspir'. Inter betuloj l' aŭtun' en kviet' paŝas silente, sen ia bruet'. Tuŝas foliojn l' aŭtun' kun kares', dum fungopluvo gutadas sen ĉes'. Tien sopiro ekportas min for, muĝon aŭtunan aŭskultas la kor'. |
