Enkomputiligis Don HARLOW |
Bluzo, blanka bluzo, sub vi pintas jam du sukaj framboj frumaturaj, ve ne por mi: vakas mia polmo kiel kupo. Jupo, pimpa jupo, vin jam portas for du junaj gamboj rapidkuraj, for, for de mi: fermas mian polmon ekĵaluzo. Buŝo, ruĝa buŝo, mola paŝo en la freŝa neĝo de vizaĝo fora, fora kiel lando de ekzilo; lipoj de aprilo, predoj por tenera korsieĝo, korpo nuda, senmemora, preta por l' unua tuŝo, vi nun festas kaj senvestas por alia... Min atendas por la lasta kuŝo tero nia. |