Enkomputiligis Don HARLOW |
Venis Diablo en vizi', kaj antaŭ ĉi malnudo ja ne facilas la konkludo, ĉu diri Li aŭ Ŝi. La brusto sub la faj' mienas kvazaŭ ondantaj mamoj. Tiel ĉe tuj kaptontaj manoj belega birdo svenas. Tia la dolĉa pom' en Blidah la blua -- mordinvito; aŭ sub la musk', or-amanito ĉe pluvo moltepida. "Ha!" flustris la Satan', kaj ĉio tremis de tia voĉo, "ne ĉiuj falas, vidu, oĉjo, la fruktoj de la Scio!" |
(L)