Enkomputiligis Don HARLOW |
Sen nubet' -- ĉiela klaro, sen nubeto -- mia kor'. Post promeno en arbaro restis en mi pin-odor'. Harojn taŭzas vento-pelo kiel ies mola man', ĉie kuŝas bril' de belo -- de animo mia am'. For ĉagreno, tristo dormas Sub la blanka sun-kaskad'. La vizi' virinon formas kun plej bela ridetad'. Kun minutoj forpasante iĝas ĝi interna bild'. Kun la bild' mi vivas kante tagojn sub la suna mild'. |