Enkomputiligis Don HARLOW |
Vi Dio de la vino, kiu sendas radiojn sunajn sur ŝvelantajn berojn, sur orajn berojn, berojn violtonajn, nin traktu grace. Pasiaj vitoj sur deklivoj varmaj per gesto danca sin al vi etendas, parolas, kantas, peton al vi diras: vi donu fajron por ĝin plu disdoni, kaj ĝojon, kiu floru en okuloj senbrile tristaj. Ĉar estas ni ja homoj sen impeto, kaj por vin glori amas ni la vinon kaj nur kun vinpokalo niaj koroj preĝas. |
(El la poemaro ― Monatoj)