Enkomputiligis Don HARLOW |
Mi serĉis tridek jarojn, ho fratinoj, kie li sin kaŝtenis? Mi marŝis tridek jarojn, ho fratinoj, ne pli proksimen venis. Mi marŝis tridek jarojn, ho fratinoj, piedoj, ve! laciĝas; li estis ĉie, ĉie, ho fratinoj, kaj eble ne ekzistas. La hor' jam estas trista, ho fratinoj, demetu ĉi sandalojn; vespero ankaŭ mortas, ho fratinoj, mi sentas nur defalojn. Vi estas dekses jaraj, ho fratinoj, iru de tie ĉi, bastonon mian prenu, ho fratinoj, kaj serĉu ankaŭ vi ... |