Enkomputiligis Don HARLOW
|
|
Enkomputiligis Don HARLOW |
|
Hodiaŭ ekaperis signo. La fridajn kampojn Morne vualis vaga pluvo, Drivanta sub ĉiel' kadavra; Silenta frido pezis sur la tero, Kaj sombraj sulkoj randis plumbajn akvojn. Subite ŝire tra l' ardeza volbo Tenebron fendis lumofasko Kaj trafis migdalarbon nimbe: Arĝenta trunko kaj floraro roza En reliefa gloro sur mallumo. Tuj la tenera petal-nubo, La bruna humo kaj timema herbo Ekardis pro l' certeco de printempo; Kaj disaj flakoj ŝanĝis sin en oron. La gloro pasis for; sed la promeso Nun en la koro softe lumas. |
