Enkomputiligis Don HARLOW
|
|
Enkomputiligis Don HARLOW |
|
Tenebro de mistero vualas homan bruston, ke hom' jen kultas juston kaj montras sin humana, jen -- mensa degenero! rivelas sin satana kaj batas, vundas, murdas kaj mutas, blindas, surdas por sento homarana! Pro kio bomo ĵetas al hundo manĝobulon kaj povran almozulon forpuŝas post riproĉo se panon li plorpetas? pro kio hom' pro voĉo orkaĝe birdon gardas, dum arestiton hardas la luktokampa loĝo? En nia brustokerno sekreto strekas spuron kaj eble la naturon imitas homanimoj en ŝia sentalterno: ĉu ne la samaj ŝlimoj produktas jen putoron, jen plaĉan bonodoron de rozpetalaj glimoj? |
