Enkomputiligis Don HARLOW
|
|
Enkomputiligis Don HARLOW |
|
Brikoj ricevis sian koloron de la sango de tiuj, kiuj mortfalis, defendante siajn urbojn. Brikoj ricevis sian pezon de memoro kaj optimismo. Ni rekonstruas niajn urbojn por generacio, kiu iam kreos tempon senbatalan, tempon, kiam regos nur kresko kaj ripozo. Ni portas la brikojn sur niaj manoj singarde, kvazaŭ ni portus infanojn aŭ la sekretan signon de la espero. Ni portas la brikojn en niaj revoj, konstruas kontraŭ cedanta fono de fumo kaj fulgo. Ni rekonstruas, la brikoj havas koloron de l' sango de la ĝismortevunditoj. Ni rekonstruas niajn urbojn. En brikoj enestas la memoro de l' batalo por la rajto konstrui. |
