Enkomputiligis Don HARLOW
|
|
Enkomputiligis Don HARLOW |
|
Kredi neeblan jen kred-avantaĝo, nescion ja ne ŝatas nia mens', eĉ en scienco se finiĝas saĝo, anstataŭas la veron hipotez'. Kred' je mirakloj, signoj profetantaj ne tiom stultas -- laŭ saĝula akt'; kio en ni kaj ĉirkaŭ ni konstanta? Miraklo tiam -- nun malstranga fakt'. Multo en mondo restas plu mistera, ĝin kredi endas tiel homo mem pleje subleĝas al ŝanĝad' surtera, liaj pensado, sentoj verdirem'. Se konstatebla estas ver-vario, eĉ pruvo povas esti trompa log' -- sen kredo je Li eĉ ne estas Dio; je io kredi ne estas mensog'. Sen kredo je sukces' la verk' fiaskos, timigas ja kelkiun van-fantom', vivante, hom' al ver' mensogon faskos - ĝis estos inda kredi li je l' hom'. |
