Enkomputiligis Don HARLOW |
Nikolajs Kurzens (1910), nia granda latva talento poezia jen reaperas per tiu ĉi traduko el la moderna latva literaturo.
-- Ĉu vi kredas? -- Jes, mi kredas, -- Venos trans arbar' l' aŭror'! -- Ĉu vi scias? -- Jes, mi scias -- Perlos ĝi en rosa or'. Bosko flutos, Bosk' liutos, Flugos sturn' kun kantobel'. Hum' vaporos, Humo floros, Vaste volbos sin ĉiel'. -- Ĉu vi aŭdas? -- Jes, mi aŭdas, -- eĥas jam profund' kaj for'. Vent' miela Neĝon pelas, Venas trans arbar' aŭror'. |