Enkomputiligis Don HARLOW |
1927. La unua originala poemo de H. D.
Orfoliojn mi deziras, tedis al mi fruaŭtun', je aceroj mi sopiras, flagretantaj en la sun'. Kaj mi miras, kaj mi miras, ke foliojn vent' ne ŝiras. La ĉielo grize bluas, verdas, sed ne floras ter', horoj nun senfine fluas kaj embuskas senesper'. Mi enuas, mi enuas, kial arbojn vent' ne skuas? Sed, se la natur' purpuros kaj ekflavos kvazaŭ or', se la foliar' maturos por aŭtuna mortohor', duonfluge mi ekkuros, la folioj eksusuros. |