Enkomputiligis Don HARLOW
|
|
Enkomputiligis Don HARLOW |
|
Ne taŭgas akvo, por ke dronu pensoj. Nin ĵetu al la mara element': emerĝos ni kaj ankros, grandpotencoj, invade ĉe alia kontinent'. La librojn staplu! Brulu ili tindre, benzinon verŝu por l' aŭtodafe': leviĝos ni kiel Feniks' elcindre. Brulmortas homo, ne lia ide'. Rezistas ni al ĉiu elemento de via stulta, agresiva sfer'. El Okcident' pelitaj, el Oriento, ni kreos Utopion el aer'. Nin metu, kiel skribite, en la teron! Post kelka tempo floros tiu sem'. Nur unu fojon lasas vi l' uteron -- atendas nin milfoja vivreven'. |
