Enkomputiligis Don HARLOW
|
|
Enkomputiligis Don HARLOW |
Viljo Koljo, finna poeta, verkisto kaj artpentristo, nask. 1891.
"Sed la surfaco de la ŝtono kun skriboj sur ĝi estis jam ekfloreskinta kaj estis restanta nur duo da interpunkciaj signoj, kiuj estis hakitaj pli profunde. La ekspedicio malbonhumoriĝis pro tio, ke ĝi alvenis cent jarojn tro malfrue". El la verko de la finna ekspedicia vojaĝinto kaj verkisto Sakari Pälsi: "La Blankaj Stepoj".
|
Granitkolon' sur stepon estas starigita tri virojn alta. Ĝiaj skriboj fanfaronas pri venka voj' de granda potencul' milita kaj sklaviginton de la mond' per laŭdo kronas. Farita de l' plej lerta ŝtonhakist' la pinto fiere, bele puŝas sin al la ĉielo, kaj kiel monument' de l' granda konkerinto tra temp' eterne stari estas ĝia celo. Ĉiuj litero, punkto, kom' sur sia loko vidiĝas klare kvazaŭ glave svingbatita. Rezistas al samum' kaj sablatak' la bloko, ja estas sur prarok' la fundament' ankrita. Sed ventoj, pluvoj de jarcentoj -- temp' ignoras mondvenkemulojn, potenculojn kun impono -- nur kelkajn komojn, kiuj vice ridas, ploras, restigis el la fanfaronoj de l' kolono. El homfaraĵoj, jes, el grandaj kaj el etaj jen milde, jen kruele tempo kribras ĉion, kaj ofte el faraĵoj de la plej impetaj ĝi trovas plej ŝparinda nur -- interpunkcion. |
