Enkomputiligis Don HARLOW

Rondodanco

de Petar PRERADOVIĈ

elkroatigis Miljenko MAJETIĈ

aperis en Norda Prismo, 58/1, p. 13

Petar Preradoviĉ (1818 - 1872) poeto en la epoko de kroata romantismo, skribis patriotan kaj refleksivan lirikon, dramojn kaj libretojn, ĉiam simpla en stilo ofte tre profunda.

Rondodancas klaraj steloj
en ĉiela blua rondo,
kviete dancas kaj distancas
por la Teron ne ekveki:
ĉar la Tero estas laca
de piedoj, kiuj iras,
de la manoj, kiuj agas,
de la koroj, kiuj frapas.