Enkomputiligis Don HARLOW |
H. Gullberg reprezentas poezion, en kiu la iluzia kaj la ĉiutaga kontrastiĝas en majstraj poemoj, ofte kun religia subtono. (Nask. 1898.)
Malsupren turnitaj estas viraj okuloj en deklivoj vitaj, de l' sun' rostitaj -- kiel blue malhelaj, pezaj vinberoj, teron fidelaj. Malsupren turnitaj estas viraj okuloj en la ermitaj skribohoroj, post lensoj helpemaj, pro literamaso dolorplenaj. Malsupren turnitaj estas viraj okuloj al okuloj ekscitaj en la amnokto, sur lit' de pasio, dum li sin dronigas en sia virino. Supren turnitaj estas viraj okuloj; solan fojon, hezitaj, streĉe larĝegaj, por krevi fine antaŭ la kaŝo ĉerkosine. |