Enkomputiligis Don HARLOW

'Ni ofte aŭdas, kaj finfine kredas'

de Johann Wolfgang von GOETHE

elgermanigis Kálmán KALOCSAY

Aperis en Romaj Elegioj & La Taglibro, Literatura Mondo, Budapest, 1932, p. 45

Ni ofte aŭdas, kaj finfine kredas,
Ke nesondebla estas la homsino,
Kaj kiel ajn ni turnas, volvas, knedas,
Pagan', kristan' pekemas laŭ inklino.
Pli bone do, se ni manpreme cedas,
Ne rigorante tro pri la doktrino.
Ja, eĉ se tentas la demon' por flirto,
Ekagas io --- por la sav' de l' Virto.