Enkomputiligis Don HARLOW

'Kredu, mi estas pura de vir-tuŝo'

de Johann Wolfgang von GOETHE

elgermanigis Kálmán KALOCSAY

Aperis en Romaj Elegioj & La Taglibro, Literatura Mondo, Budapest, 1932, p. 57

Kredu, mi estas pura de vir-tuŝo,
Se ne, mi dirus kun sincer' senpoza."
Al mia brust' premiĝas ŝi en kuŝo,
Kvazaŭ nur tie iĝus ŝi ripoza,
Mi kisas ŝin je l' frunt', okuloj, buŝo,
Sed ho, en stato pli kaj pli kurioza,
Ĉar, kio ludi ĉiam fajre iris,
Kapkline nun malvarmas, sin retiris.