Enkomputiligis Don HARLOW

'Pluraj sonoj al mi malagrablas'

de Johann Wolfgang von GOETHE

elgermanigis Kálmán KALOCSAY

Aperis en Romaj Elegioj & La Taglibro, Literatura Mondo, Budapest, 1932, p. 35

Pluraj sonoj al mi malagrablas, sed plej abomene   Tedas min bojo de hund', ŝiras ĝi en la orel'! Estas sola hundet', kies bojon mi aŭdas kun ĝojo,   Jes, min ĝojigas per boj' hundo de mia najbar'. Ĉar ĝi je mia knabin' ekbojis, kiam ŝi kaŝe   Foje ŝteliris al mi: preskaŭ perfidis ĝi nin. Nun, se ekbojas ĉi hund', mi ekpensas ĉiam: ŝi venas,   Aŭ mi pensadas pri l' temp', kiam ŝi venis al mi.

"Preskaŭ perfidis ĝi nin ..."