Enkomputiligis Don HARLOW

'La domon, stratojn jam noktmez' vizitis'

de Johann Wolfgang von GOETHE

elgermanigis Kálmán KALOCSAY

Aperis en Romaj Elegioj & La Taglibro, Literatura Mondo, Budapest, 1932, p. 55


La domon, stratojn jam noktmez' vizitis.
Atendis larĝe min sternaĵo lita,
Ĉioprepara amo min incitis
Plej etan lokon preni okupita.
Dum la kandelon blovi mi hezitis,
Mi aŭdas veni ŝin kun paŝo glita,
La svelton ĝuas mi avidrigarde,
Ŝi al mi falas, mi ŝin kaptas arde.

Poste