Enkomputiligis Don HARLOW

'Do -- resti. Stelo de l' proksima ŝildo'

de Johann Wolfgang von GOETHE

elgermanigis Kálmán KALOCSAY

Aperis en Romaj Elegioj & La Taglibro, Literatura Mondo, Budapest, 1932, p. 48

Do -- resti. Stelo de l' proksima ŝildo
Min vokis. Ŝajne la loĝej' afablis.
Knabino venis, rare bela bildo,
Kaj eklumigis. Ĉio tuj agrablis.
Ŝtupar', verando logis min per mildo,
Ĉambretoj ege ĉarmi min kapablis,
Pekeman homon, ŝveban en libero,
Ekŝpinas kaj enretas tuj la Belo.